Interese polas persoas
Naturgy é a primeira compañía en todo o mundo en obter o Certificado efr Global, que recoñece os logros realizados pola multinacional para equilibrar a vida persoal e profesional dos seus empregados facilitando o seu desenvolvemento humano e social. Este certificado, emitido pola Fundación Másfamilia e auditado periodicamente por AENOR conforme á norma EFR 1000-23, está avalado polo Ministerio de Sanidade, Servizos Sociais e Igualdade, está en liña co Programa de Nacións Unidas para o Desenvolvemento (PNUD) e coas recomendacións do Consello Económico e Social Europeo (CESE).
No noso Código ético establécense as pautas que han de presidir o comportamento ético de todos os seus empregados no seu desempeño diario e, especificamente, no que respecta ás relacións e interaccións que mantén con todos os seus grupos de interese.
Compromisos e principios de actuación responsable cos empregados
Talento
Aplicamos as mellores prácticas na identificación, captación e fidelización do talento necesario para o desenvolvemento dos negocios, asegurando os principios de equidade e non discriminación.
Desenvolvemento profesional
Favorecemos o desenvolvemento profesional das persoas dentro do modelo de xestión do talento, e aseguramos a posta á disposición dos medios, programas e ferramentas necesarias para potenciar as súas habilidades e competencias.
Ámbito de traballo
Promovemos unha contorna de traballo motivadora que asegure o recoñecemento interno da cultura do esforzo, a autonomía necesaria para poder crear, desenvolver e innovar, ademais dun marco de compensación total en concordancia.
Flexibilidade
Aseguramos a implantación efectiva de mecanismos de flexibilidade que faciliten o equilibrio entre vida profesional e persoal e favorezan o desenvolvemento humano e social das persoas.
Diversidade e igualdade
Fomentamos a diversidade e a igualdade de oportunidades nun ámbito de respecto, escoita e diálogo permanente, con especial atención á inclusión da discapacidade.
Comunicación
Promovemos unha interlocución constante entre a compañía e os representantes sociais que permita a retroalimentación na toma de decisións.
- O noso compromiso coa igualdade de xénero queda recollido en varios dos nosos códigos de conduta e boas prácticas:
Código ético
Política de Igualdade de Xénero
Protocolo de Prevención do Acoso Laboral, Sexual e por Razón de Sexo
Plan Integral de Diversidade
- O noso Plan integral de diversidade materializa o compromiso co traballo decente en materia de xénero, idade e discapacidade, fomentando:
o talento feminino
a atracción do talento novo
a integración laboral de persoas con discapacidade.
Así mesmo, a prevención e seguridade no traballo son aspectos clave na nosa xestión e materialízanse nas medidas e programas formativos do Plan Compromiso coa Seguridade e Saúde. - Máis alá de accións internas, como a implantación do Código Ético, a Política de Igualdade de Xénero ou o Plan integral de diversidade, levamos a cabo:
procesos de negociación con sindicatos no ámbito internacional sobre salarios
plans de pensións
implantación de plans de igualdade e condicións laborais.