Fundación Naturgy

A Fundación Naturgy é unha institución sen ánimo de lucro creada en 1992 por Naturgy, cunha vocación de formación e sensibilización da sociedade na mellora da eficiencia enerxética e a innovación tecnolóxica no ámbito da enerxía. Tamén desenvolve programas de acción social tanto no ámbito nacional como internacional, incidindo especialmente en actuacións destinadas a paliar a vulnerabilidade enerxética.

Trátase dunha fundación que concibe e pon en marcha proxectos propios aliñados coa súa misión de formación, divulgación e sensibilización en temas de enerxía e medio ambiente. O seu obxectivo fundamental é promover o uso racional dos recursos enerxéticos e fomentar un desenvolvemento sostible para contribuír, dende o debate serio e rigoroso, a abordar a transición enerxética actual e os retos enerxéticos do futuro. 

Nunha escala máis profesional, organiza seminarios e conferencias con relatores nacionais e internacionais, entre os que destaca o ciclo “Energy Prospectives”, que realiza xunto ao IESE Business School, e publica estudos sobre temas relacionados coa enerxía e o medio ambiente. 

No ámbito da divulgación e a educación dirixida á xuventude, conta cun amplo catálogo de programas e iniciativas, entre as que destaca Efigy Education, que desenvolve nos centros educativos, e o Energy Challenge, unha experiencia itinerante que percorre España para promover a reflexión sobre os retos da transición enerxética. 
Por outro lado, a Fundación, sensible aos problemas da sociedade actual, quere combater unha realidade social que cada día afecta a un colectivo máis amplo da sociedade: a vulnerabilidade enerxética.



Logo Fundación Naturgy

En España, conta principalmente con tres programas: 
   
  • o Fondo Solidario de Rehabilitación Enerxética, para mellorar as vivendas de familias vulnerables;
  • a Escola de Enerxía, para formar técnicos dos servizos sociais e familias en temas relativos á eficiencia enerxética e ao consumo responsable; 
  • e o Voluntariado enerxético, para asesorar familias en situación de vulnerabilidade. 

 No ámbito internacional, impulsa proxectos sociais relacionados coa enerxía e adecuados ás necesidades concretas de cada país. ​

Presenza internacional


Liñas de traballo da Fundación

Acción Social
   
Plan de Acción Social de la Fundación Naturgy


A Fundación Naturgy é a responsable de desenvolver as iniciativas sociais do Plan de Vulnerabilidade da compañía. Os principais proxectos que ten en marcha son o Fondo Solidario de Rehabilitación Enerxética, a Escola de Enerxía e o Voluntariado enerxético. Leva a cabo esta actividade conxuntamente con entidades do terceiro sector e coas Administracións, dende o convencemento de que o traballo en rede é o único que pode asegurar avances na mellora da calidade de vida dos colectivos máis vulnerables. 

Saber máis

Sensibilización sobre enerxía e medio ambiente
Energía y Medio Ambiente Fundación Naturgy

A nosa entidade promove sensibilización en temas de enerxía e medio ambiente a través de seminarios, conferencias e estudos.  Tamén impulsa foros de análise para contribuír ao desenvolvemento de novas tecnoloxías enerxéticas e promove a economía circular e a mellora da calidade do aire. Elabora o Índice de Eficiencia Enerxética para dar a coñecer os hábitos de eficiencia nos fogares e pemes españolas. 


    


Saber máis
 
Educación e divulgación sobre enerxía e medio ambiente
Programas Educativos Fundación Naturgy


Ofrece propostas educativas que teñen como obxectivo a transmisión de valores sobre a transición enerxética, a economía circular, a preservación do medio ambiente e o uso eficiente e o consumo responsable da enerxía para un futuro mellor para todos. Entre os proxectos, destacan o programa Efigy Education que realiza nas escolas, a experiencia itinerante Energy Challenge e o Programa Aprendizaxe por Servizo (APS), aos que se engade unha ampla variedade de recursos educativos presenciais para a aula.

  
Saber máis

Acción social internacional

Programa Internacional Fundación Naturgy

  
A Fundación ten unha clara vocación internacional e, por iso, leva moitos anos desenvolvendo a súa actividade en países nos que traballa especialmente os ámbitos de formación, sostibilidade e acción social, adaptándose sempre á personalidade e requirimentos das diferentes contornas. Os países nos que se están a realizar actividades actualmente son Arxentina, Brasil, Chile e Marrocos. 

   
   


Saber máis


Museo Bolarque

 
Museo Bolarque


Visita o noso web

Ligazóns de interese



Onde estamos

Fundación Naturgy

Enderezo: Avda. San Luis 77. Madrid

Correo electrónico: fundacionnaturgy@naturgy.com


 

Este sitio utiliza cookies propias e de terceiros para personalizar a túa navegación e analizar a túa actividade no web, con obxectivos estatísticos e para mostrar publicidade. Se continúas navegando, consideramos que aceptas o seu uso.