Participamos dende 1997 no mercado de xeración eléctrica de Kenya, a través da planta de fuel de Nairobi South, cunha capacidade instalada de 109 MW.

Ademais da xestión da central, desenvolvemos un programa de accións coa comunidade, nos barrios de baixos recursos que rodean a central, coñecidos como slums.

Seguimos colaborando cos barrios veciños para continuar coa execución dos programas en marcha. A colaboración entre autoridades locais e os comités dos barrios foi clave para o éxito dos proxectos.

Estes programas seguiron mellorando a opinión que os residentes locais teñen de nós, que progresivamente aprecian a importancia dunha contorna limpa.
Nenos do proxecto de Acción Social en Kenya: doazón de libros a Jobenfa School, colexio de primaria situado fronte á Central Térmica de Nairobi, Kenya. Entrega da bolsa para estudar secundaria aos dous alumnos máis destacados.

Programas derivados do proxecto

 
Apoio á educaciónProporcionamos bolsas a estudantes sen recursos para a realización de estudos universitarios e, ademais, doamos libros para cubrir as materias dos cursos superiores. En 2017, oito estudantes gozaron destas bolsas, e 25 tiveron a posibilidade de realizar prácticas na propia planta.
Campañas de saúdeLevamos a cabo campañas enfocadas a mellorar a saúde dos empregados e as súas familias no diagnóstico e a prevención de diabete, cancro e patoloxías cardiovasculares, así como xornadas de sensibilización e programas de nutrición.
Todos os empregados e algúns dos seus cónxuxes participaron nun programa de saúde e benestar que incluía un exame médico integral. Estableceuse un sistema de recoñecemento e motivación, a través do cal os empregados son alentados a facer suxestións para mellorar a saúde e seguridade dos empregados.
Protección do medio ambienteProgramas de conservación, limpeza e concienciación, plantando árbores, limpando os barrios marxinais arredor da planta e concienciando sobre a protección do medio ambiente e a separación de residuos. En 2017, asociámonos con Kenya Forest Services por terceiro ano e plantamos aproximadamente 1.500 árbores. En total, xa se plantaron uns 4.500 árbores dende o comezo desta iniciativa.
Promoción da arte e a cultura localColaboramos, a través dunha doazón anual, coa Spanish Speaking Association. Tamén participamos en varios eventos benéficos a través de doazóns, entre as que destaca Mater Heart Run para axudar os nenos con enfermidades do corazón e diabete a camiñar, co fin de aumentar a conciencia sobre a diabete e ofrecer insulina gratuíta a pacientes diabéticos.
Doazóns destinadas a persoas vulnerablesDoamos equipos médicos para a sala de cancro infantil do Kenyatta Referral Hospital.

A enerxía térmica

 
Contamos cun parque de  centrales térmicas
 de 2.320 megawatts (MW) en todo o mundo, que producen enerxía eléctrica a partir da combustión de carbón e fuel.

Para reducir o impacto medioambiental destas plantas e garantir a súa seguridade e calidade, investigamos solucións para capturar e almacenar o CO que emiten e para reducir o consumo da auga nas súas actividades.

A través de  Global Power Generation
 desenvolvemos, executamos, operamos e mantemos estas centrais.
Central térmica de La Robla (León)

Este sitio utiliza cookies propias e de terceiros para personalizar a túa navegación e analizar a túa actividade no web, con obxectivos estatísticos e para mostrar publicidade. Se continúas navegando, consideramos que aceptas o seu uso.