GAS NATURAL FENOSA A compañía garante a diversificación e seguridade da subministración de Europa co primeiro contrato de GNL de Rusia.
Trátase do primeiro cargamento dun total de 37 barcos anuais que chegarán a esta zona de Europa ata o 2041 e que se enmarca no contrato asinado por GAS NATURAL FENOSA e a empresa rusa Yamal LNG, participada maioritariamente por Novatek xunto á francesa Total e as chinesas CNPC e Silk Road Fund, hai cinco anos por un total de 3 bcm anuais (miles de millóns de metros cúbicos) durante 24 anos, o que supón o 8% do consumo anual de gas no país.
Este primeiro barco, deseñado para a travesía Ártica, denomínase Fedor Litke en honor ao xeógrafo e explorador do Ártico e realizou unha viaxe de once días dende Siberia ata a terminal de Reganosa no porto de Mugardos (A Coruña). Alí, foi recibido por José María Egea, director xeral de Planificación Enerxética de GAS NATURAL FENOSA, o embaixador de Rusia en España, Yuri Korchagin, a delegada do Goberno de Rusia para asuntos económicos e comerciais, Galina Kurochkina e o director de Desenvolvemento de Negocio da rusa NOVATEK, Andrey Popov.
“O contrato con Yamal contribúe, como o recentemente asinado con Alxeria, a asegurar a estabilidade da subministración a España. Tamén, con este contrato, amplíase a carteira de provedores estratéxicos cos que conta a compañía, reforzando a diversificación da subministración ao noso país e Europa, ao supoñer o primeiro contrato de longo prazo de gas natural licuado dende Rusia para o continente. Así mesmo, reafirma a posición da nosa empresa como o maior operador de GNL no Atlántico”, asegura Francisco Reynés, presidente de GAS NATURAL FENOSA.
Además, grazas ao acordo entre GAS NATURAL FENOSA e Yamal LNG, a Península Ibérica deixa de ser a única zona de Europa que non contaba con Rusia como provedor e refórzase aínda máis na variedade de orixe das súas subministracións, tras a recente renovación do contrato con Alxeria.
A orixe do gas natural é o xacemento South-Tambeyskoye, situado na península de Yamal (noroeste de Siberia). O consorcio promotor da planta de Yamal está participado por Novatek e a francesa Total.
“O GNL deste proxecto contribúe a afianzar o liderado da multinacional española na Península Ibérica e serve para apoiar a estratexia da compañía para expandir o seu negocio a outros mercados” apuntou José María Egea, director xeral de Planificación Enerxética da empresa.
GAS NATURAL FENOSA, que xestiona unha frota de doce metaneiros, é o maior operador de gas natural en España e un dos principais do mundo. A compañía mantén unha alta diversificación de subministración a través dos seus contratos con Alxeria, Estados Unidos, Nixeria, Trindade e Tobago, Rusia, Qatar e Noruega.
