Seguridade, saúde e benestar

Consideramos a xestión da seguridade e a saúde como un factor clave de liderado empresarial. Facer as cousas ben á primeira é facelas con seguridade, evitando accidentes ou danos á saúde e obtendo resultados óptimos e eficientes en todas as actividades.

Planificamos e desenvolvemos as nosas actividades asumindo que nada é máis importante que a seguridade, a saúde e o benestar das persoas. A nosa actuación vai máis alá do cumprimento das obrigas legais e outros requisitos, impulsando a mellora continua nas condicións de traballo e na xestión da seguridade, a saúde e o benestar, e involucrando non só os profesionais da compañía, senón tamén os provedores, empresas colaboradoras, clientes e outros grupos de interese, co obxectivo de evitar e previr os accidentes e os danos á saúde, ademais de proporcionar un ambiente seguro e saudable, así como favorecer a súa saúde e benestar.

O nosos compromisos:

• Garantir que a seguridade e a saúde son unha responsabilidade individual non delegable, que a través dun compromiso colectivo visible é liderada pola alta dirección e asumida de forma proactiva e integrada por toda a organización, así como polos provedores e empresas colaboradoras.    
• Establecer a seguridade e a saúde como unha responsabilidade individual que condiciona o emprego dos traballadores de Naturgy, así como a actividade das súas empresas colaboradoras.   
• Velar por que calquera situación potencial de risco que puidese afectar os traballadores, provedores, clientes, público e a seguridade das instalacións sexa notificada, avaliada e xestionada dun modo axeitado.     
• Traballar para manter un ámbito laboral exento de riscos integrando na xestión empresarial a prevención de riscos laborais e as actuacións de protección e promoción da saúde e o benestar.      
• Establecer a aprendizaxe como motor da cultura da seguridade, mediante a formación continua, a análise de accidentes e incidentes, a difusión das leccións aprendidas, a educación e a promoción da saúde.    
• Integrar criterios de seguridade e saúde esixentes nos procesos de negocio, nos novos proxectos, actividades, instalacións, produtos e servizos, así como na selección e avaliación de provedores e empresas colaboradoras, cuxo incumprimento condicione o inicio ou a continuidade da actividade.   
• Investir en novas estratexias de educación sanitaria e promoción da saúde, que permitan que o lugar de traballo se converta no vector de transmisión de condutas saudables para o traballador e a súa contorna.       
• Implantar actuacións orientadas a mellorar a calidade de vida, o benestar e a saúde das persoas que integran as comunidades onde a compañía opera.        
• Proporcionar os recursos e medios necesarios que posibiliten o cumprimento dos estándares de seguridade establecidos en cada momento.

O noso compromiso en materia de seguridade e saúde emana do seu Consello de administración, pon o foco no goberno e vincula directamente a Alta Dirección, potenciando o seu liderado en seguridade, saúde e benestar. A Política de Responsabilidade Corporativa de Naturgy foi aprobada polo Consello de administración en 2019.

Alíñase cos Obxectivos de Desenvolvemento Sostible (3.- Saúde e benestar; 5.- Igualdade de xénero e 8.- Traballo decente e crecemento económico) e materialízase en cinco principios que rexen todas as nosas actuacións e que reforzan a variable social do noso modelo de sostibilidade.