Gas Natural Fenosa Renovables formalizou a selección de 26 parques eólicos, cunha potencia total de 854 MW (fronte aos 667 MW eólicos adxudicados), e que se encontran situados en 7 comunidades autónomas: Andalucía, Aragón, Castela e León, Cataluña, Estremadura, Galicia e Navarra.
De acordo co procedemento establecido polo Ministerio de Enerxía, Turismo e Axenda Dixital (MINETAD) para a potencia adxudicada na poxa de renovables de maio de 2017, os adxudicatarios tiñan a obriga de seleccionar este mes de febreiro os proxectos que se poderían chegar a construír, permitindo, na devandita selección, identificar proxectos por unha potencia de ata un 50% superior á adxudicada.
Gas Natural Fenosa Renovables iniciará nos próximos meses a construción daqueles parques que, de entre os 26 identificados, vaian configurar finalmente os que somen a potencia adxudicada de 667 MW, que terán, en calquera caso, un recurso eólico que superará as 3.000 horas de produción anual. A compañía estima que o desenvolvemento destes proxectos supón un investimento aproximado de 700 millóns de euros.
O resultado da poxa de maio de 2017, na que a filial de enerxía renovable de GAS NATURAL FENOSA logrou o 22% da potencia poxada, supuxo un éxito para a compañía, que se situou por diante da adxudicada ao resto de utilities que operan no sector enerxético español.
A directora de Gas Natural Fenosa Renovables, Ana Peris, destacou que “a poxa permite materializar os proxectos nos que o grupo enerxético traballou durante os últimos anos, que configuran unha carteira realmente competitiva e optimizada.”
O portfolio de proxectos de Gas Natural Fenosa Renovables, que conta cun grao de tramitación avanzado, permite anticipar o cumprimento dos seguintes obxectivos establecidos polo MINETAD.
| Proxecto | Municipio (Provincia) | Potencia | |
|---|---|---|---|
| Andalucía | Tesorillo | Cádiz | 26,0 |
| Aragón | Fréscano | Zaragoza | 24,0 |
| San Agustín | Teruel e Zaragoza | 35,0 | |
| Navarra | Barasoain | Navarra | 36,30 |
| Tirapu | Navarra | 13,20 | |
| Cataluña | Les Barrancs | Tarragona | 30,0 |
| Punta Redonda | Tarragona | 30,0 | |
| Tres Termes | Tarragona | 30,0 | |
| Castela e León | Amp. Montejo | Burgos | 7,5 |
| Amp. Hierro | Zamora | 45,0 | |
| Carratorres | Valladolid | 45,0 | |
| Mirabel | Valladolid | 27,6 | |
| San Blas | Valladolid | 41,5 | |
| Teso Pardo | Valladolid | 38,0 | |
| Torozos A | Valladolid | 42,0 | |
| Torozos B | Valladolid | 34,0 | |
| Torozos C | Valladolid | 40,0 | |
| Torozos II | Valladolid | 36,0 | |
| Estremadura | Merengue | Cáceres | 39,9 |
| Galicia | Moncirco | Lugo | 41,6 |
| Monte Tourado-Eixe | A Coruña | 39,6 | |
| Pastoriza-Rodeiro | Lugo | 48,6 | |
| Mouriños | A Coruña | 9,8 | |
| Peña Forcada-Catasol II | A Coruña | 7,4 | |
| Picato | Lugo | 46,2 | |
| Serra do Punago-Vacariza | Lugo | 39,6 |
Gas Natural Fenosa Renovables
Gas Natural Fenosa Renovables, empresa integrada en GAS NATURAL FENOSA, pechou o exercicio 2017 cunha potencia total instalada en operación de 1.147 MW consolidables (979 MW de eólica, 110 MW de minihidráulica e 58 MW de coxeración e fotovoltaica).