Naturgy multiplicou por nove a potencia en autoconsumo fotovoltaico durante 2022 no marco da súa iniciativa ‘Naturgy Solar’, coa que o grupo enerxético ofrécelles aos seus clientes solucións personalizadas para xerar a súa propia electricidade. Isto supuxo multiplicar por cinco os contratos con respecto ao ano anterior tras recibir máis de 75.000 solicitudes de información.
O obxectivo de Naturgy é acadar 650 MW en autoconsumo a 2025, apoiado na súa experiencia no desenvolvemento deste tipo de solucións, os seus activos e a carteira de clientes. Con esta ambición, o grupo quere contribuír aos obxectivos de descarbonización, facilitándolles aos seus clientes o acceso a unha enerxía renovable, e axudalos a reducir a súa factura eléctrica no actual contexto de prezos enerxéticos.
Para iso, a compañía volveu reeditar a súa iniciativa ‘Naturgy Solar’, unha solución integral e personalizada para facilitar o acceso á enerxía solar fotovoltaica e o autoconsumo de empresas e fogares. A través da instalación de placas e baterías, Naturgy ofrécelles aos seus clientes aforros de ata o 70 % na súa factura de electricidade, ou de ata un 40 % só coa instalación das placas fotovoltaicas.
A iniciativa ‘Naturgy Solar’ está dirixida a clientes particulares, comunidades de propietarios, pemes e empresas, e ofrece un deseño personalizado cunha visita presencial gratuíta e sen compromiso para un deseño óptimo, ademais da xestión e tramitación de permisos e subvencións, e un primeiro ano gratuíto de Servisolar, o servizo de mantemento correctivo e preventivo de placas solares. No tocante ao financiamento, este é de ata o 100 % do importe ao 0 % de xuros a 3 anos.
O autoconsumo en Naturgy
Naturgy rexistrou un forte crecemento nas instalacións de autoconsumo no ano 2022 principalmente para vivenda unifamiliar, cun incremento destacable en comunidades de propietarios e empresas. Madrid e Cataluña foron as comunidades nas que se rexistrou o maior volume de contratos, aínda que o grupo está presente en todo o territorio nacional e colabora con 120 empresas instaladoras especializadas.
O valor engadido da compañía é a xestión integral do proxecto: deseño da instalación, compra de equipos, legalización, posta en marcha, xestión de subvencións, financiamento e opción de engadir baterías. Esta solución conta con servizos adicionais como a tarifa con compensación de excedentes a 0,11€/kWh e o mantemento da instalación.
As instalacións de autoconsumo fotovoltaico son unha magnífica oportunidade para reducir a factura eléctrica, mellorar a visibilidade dos custos enerxéticos a longo prazo e axudar a diminuír as emisións de CO2 do planeta e, dada a consciencia social polo ambiente e a eficiencia enerxética e unha crecente preocupación polo prezo da luz, a solución de autoconsumo que ofrece a compañía xera un grande interese entre os potenciais clientes.
O impulso do autoconsumo forma parte do compromiso de Naturgy coa transición enerxética, á que contribúe tamén coa súa estratexia de desenvolvemento dunha carteira de renovables a nivel internacional e o seu compromiso co desenvolvemento dos gases renovables.
Naturgy dálle prioridade ao cliente, situándoo no centro das súas propostas, como mostra do seu compromiso e transparencia na situación actual. Así, foi pioneira en lanzar en setembro de 2021 a súa iniciativa Compromiso Luz cun prezo fixo desta enerxía a tres anos, destinada a mitigar os efectos do prezo do pool eléctrico.
Posteriormente, en marzo de 2022, Naturgy adiantouse, unha vez máis, e lanzou a iniciativa Compromiso Gas Industrial. Con esta tarifa, ofreceulles aos seus clientes industriais de gas un prezo estable e competitivo no actual escenario enerxético. Adicionalmente, ofreceulles iniciativas compromiso ás Comunidades de Veciños e pequena industria e comercio con prezos fixos durante dous anos.
Na actualidade, máis do 60 % da base de clientes da compañía beneficiouse das iniciativas de prezos a longo prazo lanzadas por Naturgy en 2022.